Со неговиот мал и компактен дизајн, Xiaomi Smart Air Purifier 4 Compact прочистувачот на воздух лесно се прилагодува во секоја просторија, а истовремено овозможува двојна инсталација, на маса и на под. Неговата употреба е погодна за простории од 16 до 27 квадратни метри, овозможува проток на воздух за 360°. Со неговата високоефикасна филтрација 3во1 елиминира 99,97% од ситните честички со големина од 0,3 микрони.

Податоците во врска со квалитетот на воздухот се означени со индикатор во 4 бои и тоа кога воздухот е свеж и чист свети зелени, минимална загаденост свети жолто, умерено загаден воздух свети портокалово и доста загаден воздух свети црвено. При користење, може да си одберете автоматски начин на работа, начин на мирување и рачен начин на работа. Доколку одберете рачен начин на работа можете да ја одберете и брзината на работа на производот, додека пак при подесен начин во мирување, прочистувачот ќе произведува јачина на звук од 20 dB и исклучено светло на екранот.

Преку паметната апликација Mi Home/Xiaomi Home можете и од далеку да го управувате прочистувачот и да го активирате кога сакате со цел да затекнете чист и свеж воздух кога ќе се вратите дома. На апликацијата можете исто така да го подесите и времето на вклучување/исклучување, проверка на квалитетот на воздухот, да го заклучите за деца и други опции. Уредот поддржува гласовни асистенти како Google Assistant и Amazon Alexa.

Прочистувачот работи со помош на brushless мотор кој овозможува тивка работа и енергетски ефикасна, така што во рок од 24 часа на прочистување, ќе потроши само 0,7 kWh. Едноставен за замена е и филтерот, а прочистувачот е опремен со потсетник за замена на самиот филтер.