JIMMY HW8 Pro Безжична правосмукалка

Лепливи и исушени дамки, траги и влакна од домашни миленици, честички прашина видливи на вашиот под... овие и многу други нечистотии се само дел од нашите секојдневни предизвици со кои се соочуваме при чистење на домот. Во борбата со нечистотиите, JIMMY измисли нова паметна безжична правосмукалка JIMMY HW8 Pro, која ќе воспостави ново и поедноставно искуство на вшмукување и влажно чистење на подот истовремено, со што ќе ви заштеди драгоцено време.

Ако започнеме со нејзините технички карактеристики, ќе видиме дека е управувана од високо ефикасен дигитален мотор без четкички кој може да создаде притисок на вшмукување до 15.000 Pa. За неговото работење достапни се две нивоа на брзина, при што поголемиот капацитет нема да ви предизвика дополнителна бука, а лесниот безжичен дизајн од 5,43 килограми ќе го олесни движењето низ просториите.

Покрај чистењето со вшмукување, новата JIMMY HW8 Pro овозможува и влажно чистење на исушените дамки, истовремено сушејќи го подот и не оставајќи несакани траги од бришење. Благодарение на прецизниот дизајн на прскањето и контролата над прскањето и дозирањето на водниот млаз, ќе можете слободно да изберете кога и каде да го чистите подот со вода. Нејзината иновативна работа е овозможена со технологијата на двојни резервоари, при што тие се одвоени и отстранливи, така што од едната страна имаме резервоар од 450 ml за чиста вода, а од друга резервоар од 350 ml каде што се собираат честички од прашина и нечиста вода. Правосмукалката може да се пофали дека може да се справи и со најтврдокорните и најмрсни дамки како кафе или дури и јајце, а можете да ја користите на сите видови површини, дури и на најчувствителните како мермер или паркет.

HW8 Pro доаѓа опремена со вграден паметен LED дисплеј кој прикажува информации во реално време, вклучувајќи ги поставките за напојување, статусот на батеријата, режимот на чистење, нивото на резервоарот за чиста и нечиста вода и предупредувања за додавање чиста вода или празнење валкана вода.

Кога ќе завршите со чистењето, можете лесно да ја поставите правосмукалката на основата на полначот и со едно притискање на копче, уредот ќе влезе во програмата за самочистење, што овозможува проток на чиста вода во сите нејзини канали до главниот цилиндар и четката за чистење, со што се спречува непотребното таложење на нечистотија и непријатни мириси.

Конечно, да кажеме дека новиот член од семејството JIMMY доаѓа со заменлива литиумска батерија, која овозможува автономија до 35 минути користење, за да можете да го завршите целото чистење на вашата куќа со едно полнење, за што ќе ви бидат потребни само 5 часови.